Mir sin notürlig au drbi. Chömet verbi in unserem Raclette-Stübli am Mühliwäg (Plan unte) vom Fritig 9.9.22 ab de 5i am Nomittag bis am Sunntig 11.9.22 öbbe bis am 4i Zmittag.
www.799-daerwil.ch
Isch es wirgglig, isch es woor
Därwil git s jetz um e Hoor
gradewägg 800 Joor (behalte 1)
Drum mache mir e riise Fescht
Und freue uns uf Euch als Gäscht
Mach schnäll e Krützli im Kaländer
Und zwar am 9. Septämber
Denn startet unser Fescht mit Jubel
Kumm Du doch au und gniess dr Trubel
Zem Raclette mit eme guete Wyy
Wirsch bi uns grad richtig si
Und langi Wyyl git s au nie lang
Denn Unterhaltig git s mit Gsang
Au Intrumental e jedi Wett
Gniessisch unser Bassquartett
Sogar e Oorespüelig wurd sich loone
Mir hän au fremdi Formatione
Jetz weisch wo am 9. aanewotsch
Drum los Di bligge, sig kei Totsch
(Text vom C.Z. uss em Glaibasel. Härzligge Dangg.)
